ព័ត៌មានតាមបណ្តារខេត្ត

ឯកឧត្តម នេត្រ ភក្ត្រា បង្កើនការលើកកម្ពស់ការផ្សព្វផ្សាយព័ត៌មាន និងការគ្រប់គ្រងសាធារណមតិ

រដ្ឋបាលខេត្តកំពង់ឆ្នាំងចាប់ផ្តើមពង្រឹងសមត្ថភាព និងការទទួលខុសត្រូវលើការងាររបស់មន្ត្រី កំពង់ឆ្នាំង៖ ដើម្បីឱ្យការអនុវត្តការងារមានប្រសិទ្ធភាព នៅរសៀលថ្ងៃទី៤ ខែកញ្ញា ឆ្នាំ២០២៦នេះ លោក ម៉ៅ តារា នាយករដ្ឋបាលសាលាខេត្តកំពង់ឆ្នាំង បានដឹកនាំកិច្ចប្រជុំ ពង្រឹងសមត្ថភាព របៀបរបបធ្វើការងារ និងការទទួលខុសត្រូវក្នុងការបំពេញភារៈកិច្ចទៅតាមតួនាទី របស់មន្ត្រីរាជការចំណុះឱ្យសាលាខេត្តកំពង់ឆ្នាំង ។

ពេទ្យសត្វកំពង់ឆ្នាំង ចុះចាក់វ៉ាក់សាំងការពារជំងឺសារទឹកសត្វគោ របស់ប្រជាកសិករ នៅឃុំច្រេស ស្រុកកំពង់ត្រឡាច

បាត់ដំបង៖ លោក សំអ៊ុន ចំណាន អភិបាលរងស្រុកបវេល តំណាងលោក លួត សាលី អភិបាលនៃគណៈអភិបាលស្រុក នាថ្ងៃទី០៤ ខែកញ្ញា ឆ្នាំ២០២៦ បានអញ្ជើញជាអធិបតីក្នុង ពិធីប្រគល់បណ្ណសរសើរ និងរង្វាន់ជូនសិស្សពូកែ នៃអនុវិទ្យាល័យខ្នាចរមាស ប្រចាំឆ្នាំសិក្សា ២០២៥-២០២៦ ដែលបានរៀបចំឡើង នៅបរិវេណអនុវិទ្យាល័យខ្នាចរមាស ស្ថិតក្នុងឃុំខ្នាចរមាស ស្រុកបវេល ខេត្តបាត់ដំបង។

ខេត្តបាត់ដំបង៖ អនុវត្តតាមអនុសាសន៍ របស់ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងជាប្រធានគណ:កម្មាធិការសាខាកាកបាទក្រហមកម្ពុជាខេត្ត នៅព្រឹកថ្ងៃទី៤ ខែកញ្ញា ឆ្នាំ២០២៦ ក្រុមការងារអនុសាខា កាកបាទក្រហមកម្ពុជាមោងឬស្សី ដែលដឹកនាំដោយ លោក ឡុង សុភឺន ប្រធានស្តីទីគណៈ កម្មាធិការអនុសាខាកាកបាទក្រហមកម្ពុជាស្រុកមោងឬស្សី និងសហការី បានចុះសួរសុខទុក្ខ និងនាំយកអំណោយមនុស្សធម៌ របស់សប្បុរសជនតាម រយៈអនុសាខាទៅផ្តល់ជូនប្រជាពលរដ្ឋ‌មួយគ្រួសារ ឈ្មោះ រ៉ន យូ ភេទប្រុស អាយុ ៦៤ឆ្នាំ ដែលរងគ្រោះដោយអគ្គិភ័យ បណ្តាលឱ្យខូចខាតផ្ទះឈើមួយខ្នង ប្រក់ដំបូលស័ង្កសី មានទំហំ៥ម៉ែត្រ គុណនឹង ៤ម៉ែត្រ ដែលរងគ្រោះកាលពីវេលាម៉ោង១៧ និង៣០នាទី ល្ងាច នាថ្ងៃទី៣ ខែកញ្ញា ឆ្នាំ២០២៦ នៅចំណុចក្រុមទី១២ ភូមិសួស្តី ឃុំតាលាស់ ស្រុកមោងឫស្សី ខេត្តបាត់ដំបង។

នាព្រឹកថ្ងៃទី៤ ខែកញ្ញា ឆ្នាំ២០២៦ គណៈកម្មាធិការមូលដ្ឋានសមាគមមន្ត្រីរាជការស៊ីវិលក្រសួងមហាផ្ទៃ ប្រចាំសាលាខេត្តស្ទឹងត្រែង បានរៀបចំពិធីប្រគល់ថវិកាឧបត្ថម្ភមរណសង្គ្រោះសរុបចំនួន ១០.៥០០.០០០ រៀល ជូនដល់គ្រួសារសពសមាជិកសកម្មចំនួន ២រូប និងសមាជិកសកម្មដែលមានសហព័ន្ធទទួលមរណភាពចំនួន ១រូប ដើម្បីជួយសម្រាលបន្ទុកជីវភាព និងបង្ហាញពីស្មារតីសាមគ្គីភាពក្នុងអង្គភាព។

នៅក្នុងកិច្ចប្រជុំសាមញ្ញលើកទី២៨ អាណត្តិទី៤ របស់ក្រុមប្រឹក្សាខេត្តស្ទឹងត្រែង នារសៀលថ្ងៃទី ៣ ខែកញ្ញា ឆ្នាំ២០២៦ ក្រោមអធិបតីភាព ឯកឧត្តម ឈាង ឡាក់ ប្រធានក្រុមប្រឹក្សាខេត្ត ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានប្រកាសផ្តល់ជូនម៉ូតូម្នាក់មួយគ្រឿង ដល់សិស្សជ័យលាភីនិទ្ទេស (A) ចំនួន ៦នាក់ ក្នុងការប្រឡងសញ្ញាបត្រមធ្យមសិក្សាទុតិយភូមិឆ្នាំនេះ ដើម្បីសម្រួលដល់ការបន្តការសិក្សាថ្នាក់ឧត្តមសិក្សា ។

លោក សាំង ច័ន្ទសុផល នាយករងរដ្ឋបាលសាលាក្រុងបាត់ដំបង បានដឹកនាំកម្លាំងក្រុមការងារចម្រុះក្រុងបាត់ដំបង ចុះជូនដំណឹងជាលើកចុងក្រោយ ដល់លោកស្រី ស៊ិន គន្ធា ម្ចាស់តូបកាត់ដេរសម្លៀកបំពាក់ និងតំណាងម្ចាស់ហាង HCL ឲ្យរុះរើសំណង់ចេញ ព្រោះដល់ពេលកំណត់ហើយ ពីលើទីតាំងសួនច្បារ មុខមណ្ឌលសុខភាពស្វាយប៉ោ កាលពីព្រឹកថ្ងៃទី ៣ ខែកញ្ញា ឆ្នាំ២០២៦។

លោក នូវ ឫទ្ធី អភិបាលរង នៃគណៈអភិបាលស្រុកបាណន់ ខេត្តបាត់ដំបង បានអញ្ជើញចូលរួមជាអធិបតីក្នុងពិធីបើកវគ្គបំប៉នស្ដីពីការអនុវត្តកញ្ចប់អំណានថ្នាក់ទី ១ ដល់ថ្នាក់ទី ៣ របស់គម្រោង BEIP នៅសាលាបឋមសិក្សា អ៊ិនស៊ីដារ៉េ នាព្រឹកថ្ងៃទី ៥ ខែកញ្ញា ឆ្នាំ២០២៦ ។

មណ្ឌលគិរី៖ នាព្រឹកថ្ងៃទី៤ ខែកញ្ញា ឆ្នាំ២០២៦ អាជ្ញាធរខេត្តមណ្ឌលគិរី បានប្រារព្ធ «ទិវាអក្ខរកម្មជាតិ ៨ កញ្ញា» លើកទី២៦ ក្រោមប្រធានបទ "អក្ខរកម្មលើកកម្ពស់គុណភាពអប់រំប្រកបដោយបរិយាបន្ន" ក្រោមអធិបតីភាព ឯកឧត្តម គង់ គឹមនី អភិបាលខេត្តមណ្ឌលគិរី ដោយមានការចូលរួមពីមន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋយ៉ាងច្រើនកុះករ ដែលប្រព្រឹត្តទៅ នៅសាលប្រជុំអគាររដ្ឋបាលស្រុកពេជ្រាដា ខេត្តមណ្ឌលគិរី។

អាជ្ញាធរខេត្តឧត្តរមានជ័យបានធ្វើពិធីចែកប័ណ្ណកម្មសិទ្ធិដីធ្លីជូនប្រជាពលរដ្ឋ នៅបរិវេណ ភូមិទួលត្បែង ឃុំត្រពាំងប្រីយ៍ ស្រុកអន្លង់វែង ក្រោមអធិបតីភាពឯកឧត្តម មាន ចានយ៉ាដា អភិបាលខេត្តឧត្តរមានជ័យ និងមានអ្នក ចូលរួម អភិបាលរងខេត្ត ប្រធានមន្ទីរពាក់ព័ន្ធ និងបងប្អូនប្រជាពលរដ្ឋជាង ១០៧០ នាក់ ។

នៅថ្ងៃទី៣ ខែកញ្ញា ឆ្នាំ២០២៦ វេលាម៉ោង ៩:០០ព្រឹក ឯកឧត្តម ឧត្តមសេនីយ៍ឯក រ៉ាត់ ដារ៉ារ័ត្ន រដ្ឋលេខាធិការក្រសួងការពារជាតិ បានដឹកនាំធ្វើបទបង្ហាញជូនក្រុមអនុព័ន្ធយោធាបរទេសប្រចាំព្រះរាជាណាចក្រ កម្ពុជា (MACPP) ដែលមានចំនួន ២២រូប តំណាងមកពី ១៨ប្រទេស ស្តីពីបច្ចុប្បន្នភាព និងស្ថានការណ៍ ចុងក្រោយតាមបណ្តោយព្រំដែនកម្ពុជា-ថៃ នៅទីស្តីការក្រសួងការពារជាតិ។