ព័ត៌មានតាមបណ្តារខេត្ត

បាត់ដំបង៖ ស្របពេលដែលស្ថានភាពជំនន់ទឹកភ្លៀងបានស្រកចុះជាបណ្តើរៗ នៅថ្ងៃពុធ ១កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែតុលា ឆ្នាំ២០២៦ លោក យី សុងគី ប្រធានមន្ទីរអប់រំ យុវជន និងកីឡាខេត្តបាត់ដំបង រួមជាមួយសហការី បានអញ្ជើញចុះសួរសុខទុក្ខលោកគ្រូ អ្នកគ្រូ និងសហគមន៍សាលាបឋមសិក្សាបានណន់ ស្ថិតក្នុងស្រុកបាណន់ ខេត្តបាត់ដំបង ព្រមទាំងពិនិត្យស្ថានភាពផលប៉ះពាល់ដែលសាលារៀនបាន និងកំពុងទទួលរងដោយសារជំនន់ទឹកភ្លៀងនាពេលកន្លងមក។

ប៉ៃលិន៖ រដ្ឋបាលក្រុងប៉ៃលិន សហការជាមួយមន្ទីរផែនការខេត្តប៉ៃលិន បានរៀបចំសិក្ខាសាលាសមាហរណកម្មកម្មវិធីវិនិយោគបីឆ្នាំរំកិលសង្កាត់ ឆ្នាំ២០២៧-២០២៩ ដើម្បីពិនិត្យពិភាក្សាលើគម្រោងអាទិភាព និងស្វែងរកការគាំទ្រធនធានសម្រាប់ការអភិវឌ្ឍមូលដ្ឋាន ឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ។

ដូចអ្នកបានជ្រាប់រួចមកហើយពីអត្ថប្រយោជន៍ដ៏អស្ចារ្យរបស់មើម ខ្ញី ចំពោះសុខភាព តែយ៉ាងណាមិញ មនុស្សមួយចំនួនត្រូវបានណែនាំឱ្យបន្ថយការទទួលទានខ្ញី ឬហាមឃាត់ឱ្យមិនទទួលទានខ្ញីតែម្ដង ដោយសារតែឥទ្ធិពលនៃសារធាតុដែលមានផ្ទុកក្នុងមើម ខ្ញី អាចជះឥទ្ធិពលអាក្រក់ទៅលើសុខភាព។

បាត់ដំបង៖នៅថ្ងៃទី២១ ខែតុលា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បាននាំយកអំណោយរបស់សប្បុរសជនផ្ដល់ជូនប្រជាពលរដ្ឋមានជីវភាពខ្វះខាតរងគ្រោះដោយជំនន់ទឹកភ្លៀងចំនួន២០០គ្រួសារនៅក្នុងសង្កាត់ទួលតាឯក ក្រុងបាត់ដំបង។

(កំពង់ចាម)៖ នាព្រឹកថ្ងៃទី២១ ខែតុលា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារបច្ចេកទេស អាជ្ញាធរក្រុងកំពង់ចាម និងមន្ត្រីពាក់ព័ន្ធ អញ្ជើញចុះពិនិត្យវឌ្ឍនភាពការងារសាងសង់ហេដ្ឋារចនាសម្ព័ន្ធនានា និងគម្រោងបំពាក់អំពូលភ្លើងបំភ្លឺពេលរាត្រី នៅក្រុងកំពង់ចាម។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីព្រលែងកូនត្រីពូជ និងកូនបង្កងពូជ នៅចំណុចដងស្ទឹងសង្កែ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ដើម្បីធ្វើឱ្យស្ទឹងសង្កែសំបូរទៅដោយមច្ឆជាតិស​ម្រាប់បម្រើឱ្យសេចក្ដីត្រូវការហូបចុករបស់ប្រជាពលរដ្ឋក្នុងតំបន់។

ព្រះសោភ័ណរតនវេទី អ៊ា សុផន ព្រះមេគណ ខេត្តប៉ៃលិន បានយាងជាព្រះអធិបតីក្នុងកិច្ចប្រជុំពិភាក្សាការងារ ត្រៀមរៀបចំពិធីបវារណាកម្ម របស់ ព្រះសង្ឃចេញព្រះវស្សា និងពិធីបុណ្យកឋិនទាន នៅវត្តពោធិមារាម (ហៅវត្តប៉ាហ៊ី) សង្កាត់ប៉ៃលិន ក្រុងប៉ៃលិន ខេត្តប៉ៃលិន ដោយមានការអញ្ជើញចូលរួមពីសំណាក់លោក សំ សារើន ប្រធាន ការិយាល័យព្រះពុទ្ធសាសនា ព្រមទាំងព្រះថេរានុថេរៈពាក់ព័ន្ធជាច្រើនអង្គ។

កម្ពុជា-ថៃ ឯកភាពគ្នាលើវិធានការកសាងទំនុកចិត្ត ក្នុងកិច្ចប្រជុំលើកទី២ នៃគណៈកម្មការផ្សះផ្សាក្រោមអនុសញ្ញា UNCLOS

នាព្រឹកថ្ងៃទី២០ ខែតុលា ឆ្នាំ២០២៦, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម នាយឧត្តមសេនីយ៍ Antonio G Natarrete នាយសេនាធិការកងទ័ពហ្វីលីពីន និងគណៈប្រតិភូ ជួបសម្តែងការគួរសម និងពិភាក្សាការងារ នៅវិមានសន្តិភាព។

(ប៉ៃលិន)៖ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអំពាវនាវយ៉ាងទទូចដល់បងប្អូនប្រជាពលរដ្ឋគ្រប់អាយុទាំងអស់ សូមរួសរាន់អញ្ជើញទៅចុះឈ្មោះ និងពិនិត្យផ្ទៀងផ្ទាត់បញ្ជីឈ្មោះបោះឆ្នោតឱ្យបានគ្រប់ៗគ្នា ដើម្បីធានាការពារសិទ្ធិស្របច្បាប់ក្នុងការជ្រើសរើសតំណាងដឹកនាំមូលដ្ឋានរបស់ខ្លួន។ ការអំពាវនាវនេះ បានធ្វើឡើងកាលពីថ្ងៃទី២០ ខែតុលា ឆ្នាំ២០២៦ ក្នុងឱកាសដែលលោកជំទាវបណ្ឌិតអភិបាលខេត្ត បានអញ្ជើញចុះត្រួតពិនិត្យដំណើរការជាក់ស្តែង នៅតាមការិយាល័យចុះឈ្មោះ និងពិនិត្យបញ្ជីឈ្មោះបោះឆ្នោតនានាទូទាំងខេត្តប៉ៃលិន។

បាត់ដំបង៖ ដើម្បីឆ្លើយតបនឹងតម្រូវការចាំបាច់ និងកាត់បន្ថយការលំបាករបស់ប្រជាពលរដ្ឋក្នុងរដូវវស្សា ក្រុមការងាររាជរដ្ឋាភិបាលចុះមូលដ្ឋានឃុំវត្តតាមិម បានចុះអនុវត្តសកម្មភាពកាយប្រឡាយ និងដំឡើងប្រព័ន្ធលូរំដោះទឹក នៅតំបន់ទីប្រជុំជនភូមិស្លក្រាម ឃុំវត្តតាមិម ស្រុកសង្កែ ខេត្តបាត់ដំបង។

បាត់ដំបង៖ លោក លឹម ប៊ុនលី ប្រធានមន្ទីររ៉ែ និងថាមពលខេត្តបាត់ដំបង បានឱ្យដឹងថា នៅថ្ងៃទី២០ ខែតុលា ឆ្នាំ២០២៦ ក្រុមការងារជំនាញនៃមន្ទីររ៉ែ និងថាមពល បានចុះត្រួតពិនិត្យ និងបង្ក្រាបទីតាំងអាជីវកម្មរ៉ែមាសខុសច្បាប់ចំនួន ២កន្លែង ដែលជាកម្មសិទ្ធិរបស់ឈ្មោះ ប៉ិល សង្ហា (ហៅ សីហា) ស្ថិតក្នុងភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង។