ព័ត៌មានតាមបណ្តារខេត្ត

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត៖ «ថ្ងៃនេះគឺគម្រប់ខួប១ឆ្នាំនៃសេចក្តីថ្លែងការរួមទីក្រុងកូឡាឡាំពួរ រវាងកម្ពុជានិងថៃ (ឬហៅថា កិច្ចព្រមព្រៀងសន្តិភាព ទីក្រុងកូឡាឡាំពួរ) ២៦ តុលា ២០២៥ - ២៦ តុលា ២០២៦។

ភ្នំពេញ ៖ “សហរដ្ឋអាម៉េរិកនឹងបន្តធ្វើការជាមួយភាគីកម្ពុជា និងថៃ ដើម្បីគាំទ្រដល់ការអនុវត្តកិច្ចព្រមព្រៀងសន្តិភាពទីក្រុងគូឡាឡាំពួរ និងជួយធ្វើឱ្យការសន្យាអំពីសន្តិភាពដ៏យូរអង្វែងក្លាយជាការពិត សម្រាប់ប្រជាជននៃប្រទេសទាំងពីរ”។ នេះបើយោងតាមសេចក្តីថ្លែងការណ៍ របស់ ឯកឧត្តម Marco Rubio រដ្ឋមន្ត្រីការបរទេសសហរដ្ឋអាម៉េរិក ក្នុងឱកាសនៃខួបមួយឆ្នាំនៃការចុះហត្ថលេខាលើកិច្ចព្រមព្រៀងសន្តិភាពទីក្រុងគូឡាឡាំពួរ នៅប្រទេសម៉ាឡេស៊ី កាលពីថ្ងៃទី២៦ ខែតុលា ឆ្នាំ២០២៥ រវាង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម អនុទីន ឆានវីរៈគុល នាយករដ្ឋមន្ត្រីថៃ ដោយឡែកឯកឧត្តម ដូណាល់ ត្រាំ ប្រធានាធិបតីសហរដ្ឋអាម៉េរិក និងឯកឧត្តម អានវ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី ចុះហត្ថលេខាជាសាក្សី។

ព្រឹត្តិការណ៍ នេះ គឺជាសក្ខីភាពបញ្ជាក់យ៉ាងច្បាស់អំពីដំណើរអភិវឌ្ឍន៍ក្រោមចក្ខុវិស័យយុទ្ធសាស្ត្រវែងឆ្ងាយ និងការយកចិត្តទុកដាក់ខ្ពស់បំផុតរបស់រាជរដ្ឋាភិបាលកម្ពុជា ដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ប៉ៃលិន៖ នៅព្រឹកថ្ងៃទី២៦ ខែតុលា ឆ្នាំ២០២៦ មន្ទីរសេដ្ឋកិច្ច និងហិរញ្ញវត្ថុខេត្តប៉ៃលិន បានរៀបចំកិច្ចប្រជុំផ្សព្វផ្សាយសារាចរណែនាំលេខ០១៣ របស់ក្រសួងសេដ្ឋកិច្ច និងហិរញ្ញវត្ថុ ស្តីពីការបិទបញ្ជីចំណូល-ចំណាយថវិកាឆ្នាំ២០២៦ ក្រោមអធិបតីភាពឯកឧត្តម គោ ស៊ុំប៊ុនសឿត អភិបាលរងខេត្តប៉ៃលិន តំណាងលោកជំទាវ បាន ស្រីមុំ អភិបាលនៃគណៈអភិបាលខេត្ត ដោយមានការចូលរួមពីប្រធានមន្ទីរសេដ្ឋកិច្ច និងហិរញ្ញវត្ថុខេត្ត ប្រធានរតនាគារខេត្ត ព្រមទាំងថ្នាក់ដឹកនាំ និងមន្ត្រីជំនាញមកពីមន្ទីរ អង្គភាពពាក់ព័ន្ធជុំវិញខេត្ត។

រដ្ឋបាលខេត្តប៉ៃលិន ដឹកនាំដោយ ឯកឧត្តម ជា ចាន់ឌិន ប្រធានក្រុមប្រឹក្សាខេត្តប៉ៃលិន និងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត និងមន្ត្រីរាជការជុំវិញខេត្ត បានប្រារព្ធពិធីអភិសេក និងយាងបារមីរូបបដិមា “ព្រះវិស្ណុ និងឆ្មាំយាមទ្វារ” នៅតាមបណ្តាទីតាំងសំខាន់ៗចំនួន ៤ កាលពីព្រឹកថ្ងៃទី២៣ ខែតុលា ឆ្នាំ២០២៦ ក្នុងគោលបំណងលើកកម្ពស់សោភ័ណភាព វប្បធម៌ និងអត្តសញ្ញាណជាតិ ឱ្យកាន់តែលេចធ្លោនៅតាមទីសាធារណៈ និងស្ថាប័នរដ្ឋ។

ប៉ៃលិន៖ មន្ទីរធម្មការ និងសាសនាខេត្តប៉ៃលិន បានរៀបចំដំណើរការបោះឆ្នោតជ្រើសរើសអាចារ្យ និងគណៈកម្មការវត្តរុក្ខារាម (ហៅវត្តព្រៃសន្ទះ) កាលពីព្រឹកថ្ងៃសុក្រ ១២កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែតុលា ឆ្នាំ២០២៦ ស្ថិតក្នុងភូមិព្រៃសន្ទះ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ក្រោមអធិបតីភាព លោក គង់ សាវៀង អនុប្រធានមន្ទីរធម្មការ និងសាសនាខេត្ត និងមានការចូលរួមពី លោក សំ សារើន ប្រធានការិយាល័យព្រះពុទ្ធសាសនា ព្រមទាំងព្រះសង្ឃ អាជ្ញាធរមូលដ្ឋាន និងពុទ្ធបរិស័ទចំណុះជើងវត្តយ៉ាងច្រើនកុះករ។

ឯកឧត្ដម ទេព អស្នារិទ្ធ៖ ការផ្សព្វផ្សាយព័ត៌មានធម្មជាតិពិតជាក់ស្តែង ជួយកសាងទំនុកចិត្ត និងជំរុញការអភិវឌ្ឍសហគមន៍

ឯកឧត្តម បណ្ឌិតសភាចារ្យ អ៊ុក រ៉ាប៊ុន និងព្រះធម្មវនវាសី ចន្ទមុនី និមន្ត និងអញ្ជើញជួបសំណេះសំណាល ជាមួយសិស្សនិទ្ទេស A

ឯកឧត្តម ឆាយ ឫទ្ធិសែន អញ្ជើញពិនិត្យវឌ្ឍនភាពសាងសង់អគារសាលប្រជុំថ្មី ក្នុងបរិវេណស្នាក់ការគណបក្សប្រជាជនកម្ពុជាស្រុកទឹកផុស

ឯកឧត្តម នេត្រ ភក្ត្រា៖ អ្នកសារព័ត៌មាន និងអាជ្ញាធរមិនមែនជាសត្រូវនឹងគ្នា តែជាដៃគូក្នុងការបម្រើប្រជាពលរដ្ឋ តាមរយៈការផ្សព្វផ្សាយ

សម្តេចធិបតី អញ្ជើញជាអធិបតី ពិធីអបអរសាទរខួប២០ឆ្នាំ នៃការបញ្ជូនកងកម្លាំងមួកខៀវកម្ពុជា ចូលរួមបំពេញបេសកកម្មរក្សាសន្តិភាពអង្គការសហប្រជាជាតិ

លោកជំទាវបណ្ឌិត ពេជ ចន្ទមុន្នី អញ្ជើញជាអធិបតីក្នុងកម្មវិធីប្រកាសតែងតាំងប្រធានកិត្តិយស ប្រធានក្រុមប្រឹក្សា និងអនុប្រធានក្រុមប្រឹក្សាសមាគមកាយឫទ្ធិនារីកម្ពុជា សាខាខេត្តកំពង់ធំ