ព័ត៌មានតាមបណ្តារខេត្ត

ខេត្តមណ្ឌលគិរី៖ នៅថ្ងៃទី២៧ ខែតុលា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម សន សុផល អគ្គនាយក នៃអគ្គនាយកដ្ឋានស្ដារសម្បទា និងជាប្រធានក្រុមការងារបច្ចេកទេសស្ដារនីតិសម្បទាអនីតិជនទំនាស់នឹងច្បាប់ បានដឹកនាំក្រុមការងារចុះពិនិត្យ តាមដាន និងវាយតម្លៃលើការអនុវត្តការងារស្ដារនីតិសម្បទាអនីតិជនទំនាស់នឹងច្បាប់នៅពន្ធនាគារខេត្តមណ្ឌលគិរី ដោយមានការអញ្ជេីញចូលរួមពីលោក ចាន់ រតនា អភិបាលរង នៃគណ:អភិបាលខេត្តមណ្ឌលគិរី លោកអគ្គនាយករង នៃអគ្គនាយកដ្ឋានស្ដារសម្បទា តំណាងមន្ទីរអប់រំ យុវជន និងកីឡា មន្ទីរកិច្ចការនារី តំណាងមន្ទីរការងារ និងបណ្ដុះបណ្ដាលវិជ្ជាជីវៈ តំណាងមន្ទីរសុខាភិបាល លោកប្រធាននាយកដ្ឋានស្ដារនីតិសម្បទាអនីតិជន លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត ព្រះរាជអាជ្ញារង នៃអយ្យការអមសាលាដំបូងខេត្ត ចៅក្រមសាលាដំបូងខេត្ត តំណាងស្នងការដ្ឋាននគរបាលជាតិខេត្ត តំណាងបញ្ជាការដ្ឋានកងរាជអាវុធហត្តខេត្ត ប្រធានពន្ធនាគារខេត្ត និងមន្ត្រីជំនាញជាច្រើននាក់ ដែលប្រព្រឹត្តទៅ នៅពន្ធនាគារខេត្តមណ្ឌលគិរី។

ខេត្តមណ្ឌលគិរី៖ នាព្រឹកថ្ងៃទី២៧ ខែតុលា ឆ្នាំ២០២៦ លោកស្រី កែវ សាវឿន អភិបាលរងខេត្តមណ្ឌលគិរី និងលោក យឺន ហុងឆាត ប្រធាននាយកដ្ឋានគ្រប់គ្រងសេវា និងរបបឧបត្ថម្ភតាវកាលិក បានអញ្ជើញជាអធិបតីក្នុងពិធីបើកវគ្គបណ្តុះបណ្តាលរំលឹក ស្តីពី "ការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ" ដល់មន្ត្រីរដ្ឋបាលឃុំ-សង្កាត់ មូលដ្ឋានសុខាភិបាលសាធារណៈ ពន្ធនាគារ និងការិយាល័យសង្គមកិច្ច និងសុខុមាលភាពសង្គម ក្នុងខេត្តមណ្ឌលគិរី និងមានការអញ្ជើញចូលរួមពីសំណាក់ លោកស្រី ងិន វ៉ាន់ថេន ប្រធានសាខាមូលនិធិជាតិជំនួយសង្គមខេត្តមណ្ឌលគិរី ព្រមទាំងមន្ត្រីជំនាញជាច្រើនរូបផងដែរ ដែលប្រព្រឹត្តទៅនៅសាលាខេត្តមណ្ឌលគិរី។

ខេត្តមណ្ឌលគិរី ៖ នាថ្ងៃព្រឹកទី២៧ ខែតុលា ឆ្នាំ២០២៦ មន្ទីរអប់រំ យុវជន និងកីឡាខេត្តមណ្ឌលគិរី បានរៀបចំពិធីបិទការប្រកួតកីឡាមហាជនជ្រើសរើសជើងឯកថ្នាក់ខេត្ត ពានរង្វាន់បាល់ទាត់ កីឡាប៊ូល និងប៉េតង់ ឯកឧត្តមអភិបាល នៃគណៈអភិបាលខេត្តមណ្ឌលគិរី ឆ្នាំ២០២៦ ក្រោមអធិបតីភាពរបស់ឯកឧត្តម ថង សាវុន រដ្ឋលេខាធិការក្រសួងមហាផ្ទៃ និងឯកឧត្តម គង់ គឹមនី អភិបាលខេត្តមណ្ឌលគិរី និងមានការអញ្ជើញចូលរួមពីមន្ត្រីរាជការជុំវិញខេត្ត ប្រតិភូកីឡា កីឡាករ កីឡាការិនី និងបងប្អូនប្រជាពលរដ្ឋជាច្រើនរូប នៅមណ្ឌលកីឡដ្ឋានខេត្តមណ្ឌលគិរី។

ខេត្តមណ្ឌលគិរី៖ នារសៀលថ្ងៃចន្ទ ទី២៦ ខែតុលា ឆ្នាំ២០២៦ ឯកឧត្តម គង់ គឹមនី អភិបាល នៃគណៈអភិបាលខេត្តមណ្ឌលគិរី រួមជាមួយថ្នាក់ដឹកនាំខេត្ត និងមន្ត្រីរាជការសាលាខេត្ត បានអញ្ជើញទទួលស្វាគមន៍ និងទទួលយកអំណោយមនុស្សធម៌ ដែលបាននាំយកមកប្រគល់ជូនដោយផ្ទាល់ពី ព្រះញាណរង្សី ឈិន ហន សមាជិកថេរៈសភាពគណៈធម្មយុត្តិកនិកាយនៃព្រះរាជាណាចក្រកម្ពុជា និងជាព្រះមេគណគណៈធម្មយុត្តិកនិកាយខេត្តមណ្ឌលគិរី ព្រមទាំងមន្ត្រីសង្ឃគ្រប់ឋានុក្រម។ អំណោយមនុស្សធម៌ដែលបានប្រគល់ជូនរដ្ឋបាលខេត្តមណ្ឌលគិរីនាឱកាសនោះ រួមមាន៖ អង្ករចំនួន ០១តោន មីកញ្ចប់៖ ចំនួន ៦០កេស ភេសជ្ជៈចំនួន ២៥កេស ទឹកសុទ្ធ៖ ចំនួន ៣៥កេស និង៣៥យួរ ថវិកាចំនួន ៣លានរៀល។ ការផ្ដល់ជូននូវសម្ភារ គ្រឿងឧបភោគ បរិភោគ និងថវិកានេះ គឺដើម្បីជួយដល់រដ្ឋបាលខេត្តមណ្ឌលគិរី រៀបចំចាត់ចែងក្នុងសកម្មភាពការងារមនុស្សធម៌ ក្នុងការយកទៅចែកជូនដល់ប្រជាពលរដ្ឋដែលមានជីវភាពខ្វះខាត និងប្រជាពលរដ្ឋដែលរងគ្រោះដោយគ្រោះមហន្តរាយ ឬគ្រោះផ្សេងៗនៅក្នុងមូលដ្ឋានខេត្តមណ្ឌលគិរីឱ្យបានទាន់ពេលវេលា៕

ព្រះរាជាណាចក្រកម្ពុជា សូមស្វាគមន៍កិច្ចប្រជុំកំពូលហ្វ្រង់កូហ្វូនី លើកទី២០ នៅពាក់កណ្តាលខែវិច្ឆិកា ខាងមុខនេះ

រដ្ឋសភានៃព្រះរាជាណាចក្រកម្ពុជា ចេញញត្តិថ្កោលទោសដាច់អហង្ការបំផុត ចំពោះសកម្មភាពរបស់ពួកឧទ្ទាមក្រៅច្បាប់ ក្នុងការបង្កើត «រដ្ឋសភាខុសច្បាប់» នៅទីក្រុងប៉ារីស កាលពីថ្ងៃទី២៥ ខែតុលា ឆ្នាំ២០២៦ ដោយចាត់ទុកទង្វើនេះជាការរំលោភលើរដ្ឋធម្មនុញ្ញ និងបំផ្លាញឆន្ទៈរបស់ប្រជាពលរដ្ឋម្ចាស់ឆ្នោត។

កម្មវិធីស្វែងយល់ ស្តីពី ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ក្រោមប្រធានបទ "តួនាទីអ្នកសារព័ត៌មានក្នុងដំណើរការនៃការពិនិត្យបញ្ជីឈ្មោះ និងការចុះឈ្មោះបោះឆ្នោត"

ក្នុងឱកាសខួប១ឆ្នាំ នៃការចុះហត្ថលេខាលើសេចក្តីថ្លែងការណ៍រួមទីក្រុងគូឡាឡាំពួ (ហៅម្យ៉ាងទៀត ថាជាកិច្ចព្រមព្រៀងសន្តិភាពទីក្រុងគូឡាឡាំពួ) ដែលបានចុះហត្ថលេខានៅថ្ងៃទី២៦ ខែតុលា ឆ្នាំ២០២៥ ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ ដោយមានឯកឧត្តម ដូណាល់ ត្រាំ ប្រធានាធិបតីសហរដ្ឋ អាម៉េរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី ធ្វើជាសាក្សី ក្រសួងការបរទេស និងសហ ប្រតិបត្តិការអន្តរជាតិនៃព្រះរាជាណាចក្រកម្ពុជា សូមបញ្ជាក់ឡើងវិញនូវការប្តេជ្ញាចិត្តឥតងាករេរបស់កម្ពុជា ចំពោះសេចក្តីថ្លែងការណ៍រួមនេះ និងចំពោះការស្វែងរកសន្តិភាពយូរអង្វែងរវាងកម្ពុជា និងថៃ។ កម្ពុជានៅតែបន្តប្តេជ្ញាចិត្តយ៉ាងម៉ឺងម៉ាត់ក្នុងការប្រកាន់ខ្ជាប់នូវបទឈប់បាញ់ និងការអនុវត្តស្មារតីនៃ សេចក្តីថ្លែងការណ៍នេះដោយសុឆន្ទៈ។

ក្នុងឱកាសនោះ ឯកឧត្តមបានគូសបញ្ជាកពីប្រធានបទសំខាន់ៗចំនួន ៣ ដែលអង្គប្រជុំត្រូវពិនិត្យពិភាក្សាគឺ១.បច្ចេកទេស និងហេដ្ឋារចនាសម្ព័ន្ធទីលានចាក់សំរាមការបង្កើតទីលានចាក់សំរាមមានអនាម័យ កន្លែងកែច្នៃសម្ភារៈប្រើប្រាស់ឡើងវិញ កន្លែងផលិតជីកំប៉ុស ប្រព័ន្ធប្រព្រឹត្តកម្មទឹកសំណល់ ព្រមទាំងប្រព័ន្ធគ្រប់គ្រងទឹកភ្លៀង និងឧស្ម័ន ការរៀបចំផ្លូវចូល ការស្តារទីតាំង និងផែនការបិទទីលានចាក់សំណល់ចាស់។ ក្រុមហ៊ុនទីប្រឹក្សា DOHWA និងក្រសួងសាធារណការ និងដឹកជញ្ជូន (MPWT) នឹងបង្ហាញផែនទីទីលានចាស់-ថ្មី និងបញ្ជាក់ពីវិសាលភាពការងារ ប្រវែងផ្លូវ និ

ខេត្តកណ្ដាល ត្រៀមរៀបចំទីលានចាក់សំរាមស្តង់ដារ និងប្រព័ន្ធកែច្នៃថ្មី ដើម្បីលើកកម្ពស់បរិស្ថាន និងសង្គម

កម្លាំងជំនាញការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តប៉ៃលិន បានសហការជាមួយអាជ្ញាធរដែនដី មន្ទីរសាធារណការ និងយុវជនកាកបាទក្រហម ចុះផ្សព្វផ្សាយច្បាប់ស្តីពីចរាចរណ៍ផ្លូវគោក ព្រមទាំងបិទស្ទីគ័រចំណាំងផ្លាតជូនយានយន្តប្រជាពលរដ្ឋចំនួន ២ភូមិ ក្នុងសង្កាត់អូរតាវ៉ៅ ក្រុងប៉ៃលិន នៅថ្ងៃទី២៧ ខែតុលា ឆ្នាំ២០២៦ ដោយមានពលរដ្ឋចូលរួមសរុប ៩០នាក់ (ស្រី ៤៩នាក់)។

សុខភាព៖ ស្លឹករបស់ផ្លែប៊ឺរ ត្រូវបានយកមកផ្សំធ្វើជាតែ ដាំពិសាជួយព្យាបាលជម្ងឺមួយចំនួន។