ព័ត៌មានតាមបណ្តារខេត្ត

ស្ថានភាពធាតុអាកាស នៅព្រះរាជាណាចក្រកម្ពុជា សំរាប់ថ្ងៃទី ០៥ ខែ វិច្ឆិកា ឆ្នាំ២០២៦

សុខភាព៖ ភេសជ្ជៈប៉ូវកម្លាំងផ្សំពីល្ហុង ទឹកមាត់ត្រចៀកកាំ និងទឹកឃ្មុំ រួមទាំងតាំងគួយ ផ្ដល់អត្ថប្រយោជន៍ខ្លាំងណាស់ចំពោះសុខភាព ជាពិសេសនោះគឺប៉ូវកម្លាំងដល់មនុស្សដែលមានវ័យចំណាស់ អាយុខ្ទង់ ៧០ ឡើង។

អត្រាប្តូរប្រាក់គោល រវាងរូបិយបណ្ណផ្សេងៗ ជាមួយប្រាក់រៀល ប្រចាំថ្ងៃទី ០៥ ខែវិច្ឆិកា ឆ្នាំ២០២៦

(កំពង់ចាម)៖ នាព្រឹកថ្ងៃទី៥ ខែវិច្ឆិកា ឆ្នាំ២០២៦ នៅសាលាខេត្តកំពង់ចាម លោកស្រី ប៉ាង ដានី អភិបាលរង នៃគណៈអភិបាលខេត្តកំពង់ចាម និងជាប្រធានប្រតិបត្តិសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញជាអធិបតីក្នុងពិធីបើកវគ្គបណ្ដុះបណ្ដាលស្ដីពី «ការគ្រប់គ្រងដឹកនាំក្នុងរដ្ឋបាលសាធារណៈ និងការចូលរួមកសាងស្ថាប័នក្នុងបរិបទឌីជីថល» ដោយមានការសម្របសម្រួល និងធ្វើបទបង្ហាញដោយលោក ងន់ ម័រ អគ្គនាយករង នៃអគ្គនាយកដ្ឋានប្រព័ន្ធគ្រប់គ្រងមន្ត្រីតាមឌីជីថល នៃក្រសួងមុខងារសាធារណៈ។

បាត់ដំបង៖ លោក ហ៊ុន ធឿន អភិបាលនៃគណៈអភិបាលស្រុកសំឡូត ខេត្តបាត់ដំបង បានដឹកនាំក្រុមការងាររដ្ឋបាលស្រុក ជួបពិភាក្សា និងសម្ភាសន៍ជាមួយគណៈប្រតិភូនៃលេខាធិការដ្ឋានកិច្ចការព្រំដែន ដឹកនាំដោយឯកឧត្តម សុំ សុខម្លូ រដ្ឋលេខាធិការនៃលេខាធិការដ្ឋានកិច្ចការព្រំដែន ដើម្បីផ្តល់ទិន្នន័យសម្រាប់ការសិក្សាបុរេសមិទ្ធិលទ្ធភាព ក្នុងការរៀបចំគម្រោងអភិវឌ្ឍន៍សាកល្បងនៅតំបន់ព្រំដែន។

អភិបាលរងខេត្តកំពង់ឆ្នាំង ជម្រុញយុវជនកាតព្វកិច្ចយោធាខិតខំហ្វឹកហាត់ក្រេបយកចំណេះដឹង ដើម្បីបម្រើនិងការពារជាតិមាតុភូមិ

(កំពង់ចាម)៖ ប្រជាពលរដ្ឋក្នុងស្រុកកោះសូទិន បានស្នើសុំដោះស្រាយបញ្ហាចំនួន ៨ករណី និងលើកឡើងនូវសំណូមពរចំនួន ៣ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកំពង់ចាម លើកទី៣ អាណត្តិទី៤ នាព្រឹកថ្ងៃទី៥ ខែតុលា ឆ្នាំ២០២៦ នៅវត្តរតនៈបុប្ផារាម (មហាខ្ញូង) ស្ថិតក្នុងឃុំមហាខ្ញូង ស្រុកកោះសូទិន ខេត្តកំពង់ចាម។

(ប៉ៃលិន)៖ ព្រឹកថ្ងៃទី៤ ខែវិច្ឆិកា ឆ្នាំ២០២៦ លោក សៀ សុខុម អភិបាលស្រុកសាលាក្រៅ និងលោកប្រធានក្រុមប្រឹក្សាស្រុក បានដឹកនាំមន្ត្រីរាជការក្រោមឱវាទ ដោយមានការអញ្ជើញចូលរួមពីបងប្អូនយុវជន ស.ស.យ.ក. មូលដ្ឋានឃុំ ចុះរៀបចំដាក់ស្លាកសញ្ញាហាមចោលសំរាម នៅតាមបណ្តោយផ្លូវជាតិលេខ៥៧ ចាប់ពីចំណុចសួនច្បារសេះប្រាំបី រហូតដល់ភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

បាត់ដំបង៖ ឯកឧត្តម ឆឹម សំអ៊ែល ប្រធានអង្គភាពត្រួតពិនិត្យ វាយតម្លៃ និងព័ត៌មាន និងជាប្រធានគ្រប់គ្រងគម្រោងគណនេយ្យភាពសង្គម នៃលេខាធិការដ្ឋាន គ.ជ.អ.ប. បានដឹកនាំគណៈប្រតិភូជាតិ និងអន្តរជាតិ ចុះបំពេញបេសកកម្មគាំទ្រការអនុវត្តគម្រោងលើកទី១២ របស់ធនាគារពិភពលោក (World Bank) ស្តីពីគម្រោងគណនេយ្យភាពសង្គម នៅឃុំខ្នាចរមាស ស្រុកបវេល ខេត្តបាត់ដំបង នាថ្ងៃទី៤ ខែវិច្ឆិកា ឆ្នាំ២០២៦។

(ប៉ៃលិន)៖ ព្រឹកថ្ងៃទី ៥ ខែវិច្ឆិកា ឆ្នាំ២០២៦ លោក ឈឿន ឈិន អនុប្រធានមន្ទីរ បានដឹកនាំមន្ត្រីរាជការជំនាញ អញ្ជើញចូលរួមកិច្ចប្រជុំប្រចាំសប្តាហ៍ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម កឹម ស៊ីថន រដ្ឋលេខាធិការប្រចាំការ នៃក្រសួងពាណិជ្ជកម្ម តាមរយៈប្រព័ន្ធវីដេអូសុវត្ថិភាព Zoom។

(ប៉ៃលិន)៖ ថ្ងៃទី០៤ ខែវិច្ឆិកា ឆ្នាំ២០២៦ លោក រស់ នឿន អភិបាលរង នៃគណៈអភិបាលខេត្តប៉ៃលិន ទទួលបន្ទុកធនធានទឹកនិងកសិកម្ម អមដំណើរដោយលោក ង៉ា លីហុង ប្រធានមន្ទីរធនធានទឹក និងឧតុនិយមខេត្ត រួមជាមួយ លោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត បានអញ្ជើញចុះពិនិត្យស្ថានភាពប្រភពទឹក តាមប្រព័ន្ធធារាសាស្ត្រ និងតាមអូរ ស្ទឹង ដែលមន្ទីរធនធានទឹក បានបិតទ្វារទឹករក្សាទុក សម្រាប់ការប្រើប្រាស់ ការចិញ្ចឹមសត្វ និងការដាំដុះដំណាំកសិកម្ម ក្នុងស្រុកសាលាក្រៅ ខេត្តប៉ៃលិន។

បាត់ដំបង៖ បន្ទាប់ពីស្ថានភាពទឹកជំនន់បានស្រកផុតទៅ បញ្ហាប្រឈមមួយចំនួនដែលប្រជាពលរដ្ឋក្នុងខេត្តបាត់ដំបងជួបប្រទះ គឺបញ្ហាសុខភាពសាធារណៈ និងអនាម័យបរិស្ថាន។ រហូតមកដល់ពេលនេះ ការស្តារ និងប្រមូលសម្រាមតាមទីប្រជុំជន សម្រេចបាន ១០០% ហើយ។ នេះបើតាមការបញ្ជាក់របស់មន្ត្រីរដ្ឋបាលក្រុងបាត់ដំបង នាថ្ងៃទី៤ ខែវិច្ឆិកា ឆ្នាំ២០២៦។