ព័ត៌មានតាមបណ្តារខេត្ត

(កោះថ្មX16): នាព្រឹកថ្ងៃចន្ទទី១៧ ខែមិថុនា ឆ្នាំ២០២៦ ប្រតិភូខេត្តកំពង់ចាម ដឹកនាំដោយ ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត អញ្ជើញដាក់កម្រងផ្កាគោរពវិញ្ញាណក្ខន្ធចំពោះ វីរយុទ្ធជន វីរយុទ្ធនារី និងប្រជាជនកម្ពុជា រំលឹកខួបលើកទី៤៩ នៃទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧-២០ មិថុនា ២០២៦ នៅតំបន់ប្រវត្តិសាស្ត្រយោធាតេជោ-កោះថ្ម X១៦ ឃុំស្ថិតក្នុងភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ។

​វិទ្យុជាតិភ្នំប្រុសភ្នំស្រី FM92.50MHzខេត្តកំពង់ចាម កម្មវិធីជម្រើសដើម្បីសុវត្ថិភាពកំពុងពិភាក្សាលើប្រធានបទ៖«​​ការចិញ្ចឹមកូនបែបវិជ្ជមានឬអហិង្សា» វាគ្មិន៖លោកស្រី រស់ សុម៉ាលីន ប្រធានកិច្ចការីឃុំអំពិល ស្រុកកំពង់សៀម ខេត្តកំពង់ចាម សម្របសម្រួលដោយ៖អ្នកស្រី សើរ សុឃីម កម្មវិធីនេះផ្សាយផ្ទាល់រៀងរាល់ថ្ងៃ​ពុធ វេលាម៉ោង១១៖០០ ដល់ម៉ោង១២៖០០ថ្ងៃត្រង់។ ទូរស័ព្ទចូលរួមកម្មវិធីតាមរយៈលេខ៖ 092 92 89 78/ 097 231 14 41/ 016 76 79 86 ។

ខណ្ឌរដ្ឋបាលជលផលកំពង់ចាម នៅថ្ងៃទី ១៦ ខែមិថុនាឆ្នាំ ២០២៦ បានសហការជាមួយសមត្ថកិច្ច និងអាជ្ញាធរមូលដ្ឋាន ចុះពិនិត្យនិងបង្ក្រាបបទល្មើសនេសាទចំនួនពីរករណីក្នុងភូមិសាស្ត្រស្រុកព្រៃឈរ ខេត្តកំពង់ចាម។

លោក ខ្ចង អូន ចៅសង្កាត់បឹងកុក ប្ដេជ្ញាបម្រើសេវាសាធារណៈ ឱ្យកាន់តែលឿននិង រហ័ស ជូនពលរដ្ឋ

កំណាត់ផ្លូវជាតិលេខ៧ (ស្គន់-កំពង់ចាម) គឺជាខ្សែផ្លូវសេដ្ឋកិច្ចដ៏សំខាន់ ដែលមិនត្រឹមតែជួយសម្រួលដល់ការធ្វើដំណើររបស់ប្រជាពលរដ្ឋប៉ុណ្ណោះទេ ប៉ុន្តែថែមទាំងរួមចំណែកយ៉ាងធំធេងក្នុងការជំរុញកំណើនពាណិជ្ជកម្ម និងទេសចរណ៍នៅក្នុងខេត្តកំពង់ចាម ក៏ដូចជាការតភ្ជាប់ទៅកាន់បណ្តាខេត្តនានាផងដែរ៕

អនុវត្តតាមបទបញ្ជាដ៏មុឺងម៉ាត់របស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត ក្រៅពីកម្លាំងចំរុះចុះធ្វើរដ្ឋបាលរដ្ឋបាលចំហរ នៃស្នងការដ្ឋាននគរបាលខេត្ត, កងរាជអាវុធហត្ថខេត្ត, ក្នុងនោះលោក លី សុវណ្ណ អភិបាលក្រុងកំពង់ចាម បានដាក់បទបញ្ជាឲ្យអធិការដ្ឋាននគរបាលក្រុង, កងរាជអាវុធហត្ថក្រុង និងអាជ្ញាធរសង្កាត់ទាំង៤ ដឹកនាំកម្លាំងនគរបាលប៉ុស្តិ៍ និងប្រជាការពារ បែងចែកវេនជាប្រចាំថ្ងៃ ចុះល្បាតតាមគោលដៅសំខាន់ៗ ដើម្បីរក្សា ការពារ សន្តិសុខសណ្តាប់ធ្នាប់ក្នុងមូលដ្ឋានឲ្យបានល្អប្រសើរ ដើម្បីភាព សុខដុមរមនារបស់ប្រជាពលរដ្ឋ។

ចំពោះបងប្អូនអ្នកសារព័ត៌មានដែលមានបំណងចង់ចូលរួមយកព័ត៌មានក្នុងការរៀបចំដេញថ្លៃគម្រោងមូលនិធិឃុំ សង្កាត់ សូមផ្ញើឯកសារពាក់ព័ន្ធមកមន្ទីរព័ត៌មាន ខេត្តកំពង់ចាម ចាប់ពីថ្ងៃផ្សាយសេចក្ដីជូនដំណឹងរបស់រដ្ឋបាលខេត្តកំពង់ចាម រហូតដល់ថ្ងៃទី២២ ខែមិថុនា ឆ្នាំ២០២៦ ត្រឹមវេលាម៉ោង ៥ល្ងាច ដើម្បីរៀបចំបញ្ជីឈ្មោះចេញតាមវេន ដោយក្នុងមួយវេន មាន៦អង្គភាព។ សូមភ្ជាប់ឯកសារពាក់ព័ន្ធមានដូចជា៖ ១.លិខិតបន្តសុពលភាព ២.លិខិតបេសកកម្ម ៣.អាជ្ញាប័ណ្ណ ៤.កាតអ្នកសារព័ត៌មាន មកមន្ទីរព័ត៌មាន ឬទំនាក់ទំនងមកកាន់ទូរស័ព្ទលេខ៖ ០១២ ៧០២ ៥៤៣ អាស្រ័យដូចបានជម្រាបជូនខាងលើ សូមបងប្អូនអ្នកសារព័ត៌មានជ្រាបជាព័ត៌មាន។

នៅព្រឹក ថ្ងៃអង្គារ ២កើត ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី ១៦ ខែមិថុនា ឆ្នាំ២០២៦ ក្រោយពីបានទទួលនូវរបាយការណ៍របស់អនុសាខាស្រុកមក ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហម្ពុជាខេត្ត បានចាត់ លោកស្រី ប៉ាង ដានី អភិបាលរងខេត្ត និងជាអនុប្រធានអចិន្ត្រៃយ៍សាខា រួមដំណើរដោយ ឯកឧត្តមនាយកសាខា រួមជាមួយមន្ត្រីប្រចាំការ អនុសាខាស្រុក ក្រុមកាកបាទក្រហមកម្ពុជាឃុំ និងអ្នកស្ម័គ្រចិត្តភូមិ បានអញ្ជើញចុះជួបសំណេះសំណាល សួរសុខទុក្ខ ប្រជាពលរដ្ឋ ៦៤គ្រួសារ នៅភូមិក្រូច ភូមិសំរោង ភូមិក្រសាំងតាម៉ង់ និងភូមិ ព្រៃសាក់ ក្នុងឃុំក្រូច និង ៤គ្រួសារ នៅ ភូមិកុមាររាជ្យ ឃុំបឹងណាយ នៃស្រុកព្រៃឈរ ដែលរងគ្រោះដោយខ្យល់កន្ត្រាក់ សរុប ៦៨ គ្រួសារ ។

(កំពង់ចាម) លោក ឡោ ចាន់លី អភិបាលរងនៃគណៈអភិបាលខេត្តកំពង់ចាម នាព្រឹកថ្ងៃទី១៦ ខែមិថុនា ឆ្នាំ២០២៦ បានអញ្ជើញដឹកនាំកិច្ចប្រជុំក្រុមការងារ ដើម្បីពិភាក្សា និងត្រៀមលក្ខណៈរៀបចំពិធីសម្ពោធដាក់ឱ្យប្រើប្រាស់ជាផ្លូវការនូវកំណាត់ផ្លូវជាតិលេខ៧ (ស្គន់-កំពង់ចាម)។

សេចក្ដីបំភ្លឺព័ត៌មាន ស្ដីពី ករណីចុះផ្សាយថា មានឈ្មួញ ជាមានអំណាចបានមកកាន់ទន្ទ្រានព្រៃលើភ្នំស្រឹង្គ ដើម្បីដាំដើមឈើ ក្នុងគោលបំណងកាន់កាប់ជាកម្មសិទ្ធិ

(កំពង់ចាម) ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បាន​បំផុសគំនិត និងលើកទឹកចិត្ត​ដល់ក្មួយៗយុវជន សិស្ស-និស្សិតទូទាំងខេត្ត ឱ្យមកទទួលការសិក្សាក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស (TVET) ដើម្បីតម្រង់ទិសយុវជនឱ្យទទួលបានអនាគតការងារដ៏រឹងមាំ ស្របតាមអភិក្រមដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា គឺ៖ «រៀនឱ្យចប់ ឱ្យចេះ ឱ្យមានការងារធ្វើ»។

លោក គី សាន សមាជិកសហគមន៍ទុរេនបែកអន្លូង ស្រុកស្ទឹងត្រង់ គាំទ្រ១០០% ចំពោះការដាក់ QR code លើផ្លែទុរេនដើម្បីធានាសុវត្ថិភាពដល់អ្នកបរិភោគ និងការពារកម្មសិទ្ធិបញ្ញា