នាព្រឹកថ្ងៃទី៦ ខែវិច្ឆិកា ឆ្នាំ២០២៦ រដ្ឋបាលស្រុកថាឡាបរិវ៉ាត់បានរៀបចំសិក្ខាសាលាសមាហរណកម្មផែនការកម្មវិធីវិនិយោគ៣ឆ្នាំរំកិលនៅថ្នាក់ស្រុក (២០២៧-២០២៩)

ព្រឹត្តិការណ៍ នេះ គឺជាសក្ខីភាពបញ្ជាក់យ៉ាងច្បាស់អំពីដំណើរអភិវឌ្ឍន៍ក្រោមចក្ខុវិស័យយុទ្ធសាស្ត្រវែងឆ្ងាយ និងការយកចិត្តទុកដាក់ខ្ពស់បំផុតរបស់រាជរដ្ឋាភិបាលកម្ពុជា ដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ខេត្តស្ទឹងត្រែង៖ នៅថ្ងៃទី១៧ ខែកញ្ញា ឆ្នាំ២០២៦នេះ អង្គភាពអនុវត្តកម្មវិធីថ្នាក់ខេត្ត ដឹកនាំដោយ លោក សយ គា អនុប្រធានមន្ទីរអភិវឌ្ឍន៍ជនបទខេត្តស្ទឹងត្រែង បានរៀបចំកិច្ចប្រជុំផ្សព្វផ្សាយស្តីពីគម្រោងទឹកស្អាត និងការបោះឆ្នោតជ្រើសរើសគណៈកម្មការទឹកសហគមន៍ (WMC)។ កិច្ចប្រជុំនេះមានការចូលរួមពីសំណាក់ប្រធានក្រុមប្រឹក្សាឃុំ, មេភូមិ និងប្រជាពលរដ្ឋក្នុងមូលដ្ឋាន សរុបចំនួន ៩៦នាក់ (ក្នុងនោះស្រ្តីមានចំនួន ៧៣នាក់)។

ខេត្តស្ទឹងត្រែង ទទួលបានអណ្តូងទឹក ចំនួន ១៥៣អណ្តូង ជីកស្រះទឹកមានរៀបថ្មការពារ ចំនួន ៣ស្រះ និងសាងសង់បន្ទប់ម៉ាស៊ីនចម្លោះទឹកស្អាត ចំនួន ១កន្លែង នឹងចាប់ផ្តើមធ្វើការសាងសង់ ចាប់ពីខែកញ្ញា ឆ្នាំ២០២៦ តទៅ របស់គម្រោងផ្គត់ផ្គង់ ទឹកជនបទ ជំហាន ៣ ក្នុងក្របខ័ណ្ឌហិរញ្ញប្បទានឥតសំណងពីរដ្ឋាភិបាល នៃសាធារណរដ្ឋ ប្រជាមានិតចិន តាមរយៈក្រសួងអភិវឌ្ឍន៍ជនបទ។

ខេត្តស្ទឹងត្រែង៖ អង្គភាពអនុវត្តកម្មវិធីខេត្តស្ទឹងត្រែង ដឹកនាំដោយ លោក សយ គា អនុប្រធានមន្ទីរអភិវឌ្ឍន៍ជនបទខេត្តស្ទឹងត្រែង និងជាប្រធានអនុវត្តកម្មវិធីថ្នាក់ខេត្ត បានដឹកនាំក្រុមការងារបច្ចេកទេស រួមជាមួយក្រុមទីប្រឹក្សា TA-ADB បន្ទាប់ពីចុះជួបជាមួយគណៈកម្មការទឹក(WMC) ព្រមទាំងសហគមន៍អ្នកទទួលនៅភូមិកាតូត ឃុំកំភុន ស្រុកសេសាន កាលពីរសៀលថ្ងៃទី១៤ ខែកញ្ញា រួចមក។ នៅថ្ងៃទី១៥ នេះ អង្គភាពអនុវត្តកម្មវិធីខេត្តស្ទឹងត្រែង តែបន្តចុះជួបដល់មូលដ្ឋានជាក់ស្តែង ជាមួយអាជ្ញាធរឃុំ ភូមិ គណៈកម្មការគ្រប់គ្រងទឹក (WMC) និងប្រជាពលរដ្ឋជាអ្នកប្រើប្រាស់ទឹកស្អាតជនបទ នៅក្នុងភូមិកោះព្រះ ឃុំកោះព្រះ ស្រុកសៀមបូក និងភូមិអូររៃ ឃុំអូររៃ ស្រុកថាឡាបរិវ៉ាត់ ខេត្តស្ទឹងត្រែង។

ខេត្តស្ទឹងត្រែង៖ លោក សយ គា អនុប្រធានមន្ទីរអភិវឌ្ឍន៍ជនបទខេត្តស្ទឹងត្រែង និងជាប្រធានអនុវត្តកម្មវិធីថ្នាក់ខេត្ត (PIU) បានដឹកនាំក្រុមការងារ សហការជាមួយក្រុមការងារបច្ចេកទេសគ្រប់គ្រងកម្មវិធី (PMU) និងទីប្រឹក្សាបច្ចេកទេស (PIC) ចុះពិនិត្យវឌ្ឍនភាពការងារសាងសង់ប្រព័ន្ធចែកចាយទឹកសហគមន៍ ដែលស្ថិតនៅភូមិវាលដេញ ឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង នាថ្ងៃទី១០ ខែកញ្ញា ឆ្នាំ២០២៦ ។