ក្រសួងបរិស្ថាន សហការជាមួយរដ្ឋបាលខេត្តមណ្ឌលគិរី និងអង្គការដៃគូ ប្រារព្ធពិធីជំរុញចលនាដើម្បីភាពបៃតង ដាំកូនឈើ និងលើកម្ពស់ជីវភាពសហគមន៍ ក្នុងដែនជម្រកសត្វព្រៃកែវសីមា»
ខេត្តមណ្ឌលគិរី ៖ ដើម្បីជំរុញលើកទឹកចិត្តប្រជាសហគមន៍ចូលរួមការពារព្រៃឈើឱ្យគង់វង្សយូរអង្វែង ក្រសួងបរិស្ថាន និងអាជ្ញាធរខេត្តមណ្ឌលគិរី បានប្រារព្ឋពិធីជំរុញចលនាភាពបៃតងនិងការលើកកម្ពស់ជីវភាពសហគមន៍ ជាមួយអ្នកសារព័ត៌មានក្នុងស្រុក ក្រោមធិបតីភាពឯកឧត្តម ខ្វៃ អាទិត្យា រដ្ឋលេខាធិការក្រសួងបរិស្ថាន និងលោក ងិន សុវិមាន អភិបាលរងខេត្ត តំណាងឯកឧត្តម គង់ គឹមនី អភិបាលខេត្តមណ្ឌលគិរី ។ ក្នុងពិធីនេះមានការអញ្ជើញចូលរួមពីលោក-លោកស្រីប្រធាន-អនុប្រធានមន្ទីរអង្គភាពជុំវិញខេត្ត អាជ្ញាធរមូលដ្ឋាន ប្រជាពលរដ្ឋ សិស្សានុសិស្ស និងអ្នកសារព័ត៌មានជាច្រើនរូប ដែលប្រព្រឹត្តទៅស្ថិតនៅដែនជម្រកការពារសត្វព្រៃកែវសីមា ក្នុងភូមិអណ្តូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី នាព្រឹកថ្ងៃទី០៦ ខែវិច្ឆិកា ឆ្នាំ២០២៦។
