ស្ទឹងត្រែង៖ នាថ្ងៃទី២៨ ខែតុលា ឆ្នាំ២០២៦ លេខាធិការដ្ឋានរៀបចំការបោះឆ្នោតខេត្តស្ទឹងត្រែង បានសហការជាមួយសាលាមធ្យមសិក្សាសុខាភិបាលភូមិភាគស្ទឹងត្រែង រៀបចំបើកវគ្គអប់រំ ផ្សព្វផ្សាយ និងបញ្ជ្រាបការយល់ដឹងស្តីពី «សារៈសំខាន់នៃការបោះឆ្នោតនៅកម្ពុជា» ជូនដល់និស្សិត លោកគ្រូ និងអ្នកគ្រូ។

ខេត្តស្ទឹងត្រែង៖ គណៈប្រតិភូរដ្ឋបាលខេត្តស្ទឹងត្រែង ដឹកនាំដោយលោក ស្រ៊ន សំឫទ្ធី អភិបាលរងខេត្ត រួមដំណើរដោយលោកនាយករដ្ឋបាលសាលាខេត្ត ប្រធានមន្ទីរបរិស្ថាន និងប្រធានមន្ទីរការងារ និងបណ្តុះបណ្តាលវិជ្ជាជីវៈខេត្ត បានអញ្ជើញចុះជួបសួរសុខទុក្ខដោយផ្ទាល់ និងនាំយកគ្រឿងឧបភោគបរិភោគ ព្រមទាំងថវិកាមួយចំនួន ទៅឧបត្ថម្ភគាំទ្រដល់គណៈបញ្ជាការឯកភាពរដ្ឋបាលស្រុកសេសាន ដែលកំពុងឈរជើងបំពេញបេសកកម្ម នៅចំណុចតំបន់អូរសេវ ឃុំកំភុន ស្រុកសេសាន។

ខេត្តស្ទឹងត្រែង៖ នៅព្រឹកថ្ងៃទី២៨ ខែតុលា ឆ្នាំ២០២៦នេះ លោក ម៉ែន គុង អភិបាលរង នៃគណៈអភិបាលខេត្តស្ទឹងត្រែង តំណាងដ៏ខ្ពង់ខ្ពស់ ឯកឧត្តម សរ សុពុត្រា អភិបាល នៃគណៈអភិបាលខេត្ត បានអញ្ជើញចូលរួមអមដំណើរប្រតិភូក្រុមការងារលេខាធិការដ្ឋាន នៃក្រុមការងារជំរុញការវិនិយោគក្នុងភូមិភាគឦសាន (ក.វ.ឦសាន) ដឹកនាំដោយ ឯកឧត្តម ពេជ្រ សម្បត្តិ អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអនុប្រធានលេខាធិការដ្ឋាន ក.វ.ឦសាន ក្នុងបេសកកម្មចុះពិនិត្យទីតាំងជាក់ស្តែងលើគម្រោងស្នើសុំវិនិយោគក្នុងភូមិសាស្ត្រខេត្តស្ទឹងត្រែង។

រដ្ឋបាលខេត្តស្ទឹងត្រែង នាព្រឹកថ្ងៃទី២៧ ខែតុលា ឆ្នាំ២០២៦ បានរៀបចំសិក្ខាសាលាថ្នាក់ខេត្តស្តីអំពីការបញ្ជ្រាប និងអនុវត្តឯកសារស្តង់ដារប្រតិបត្តិការតាមដានសុខភាពតែមួយនៅថ្នាក់មូលដ្ឋាន ក្រោមអធិបតីភាពលោក ព្រំ វណ្ណៈ អភិបាលរងខេត្ត។

ខេត្តស្ទឹងត្រែង៖ បន្ទាប់ពីជាប់គាំង និងមិនអាចទម្លាយបើកផ្លូវបានអស់រយៈពេលប្រមាណជាង ៣០ឆ្នាំ (តាំងពីឆ្នាំ១៩៩៥) កំណាត់ផ្លូវលេខ៧៩ ស្ថិតក្នុងភូមិភ្នំធាតុ សង្កាត់ស្ទឹងត្រែង ក្រុងស្ទឹងត្រែង ត្រូវបានសម្របសម្រួលដោះស្រាយដោយជោគជ័យ និងទទួលបានការឯកភាពទម្លាយបើកផ្លូវជាផ្លូវការហើយ ព្រមទាំងត្រៀមស្ថាបនាជាផ្លូវបេតុងនាពេលដ៏ខ្លីខាងមុខ ដើម្បីបម្រើផលប្រយោជន៍ និងការធ្វើដំណើរជូនប្រជាពលរដ្ឋ។

ស្ទឹងត្រែង៖ នាព្រឹកថ្ងៃទី២៧ ខែតុលា ឆ្នាំ២០២៦ ឯកឧត្តម សរ សុវណ្ណ រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានលេខាធិការដ្ឋាននៃគណៈកម្មាធិការជាតិដឹកនាំអនុវត្តកម្មវិធីផ្តល់ដីការពារព្រៃ ដើម្បីរួមគ្នាអភិវឌ្ឍដោយចីរភាព (ផ.ក.អ.) និង ឯកឧត្តម សូខន ឬទ្ធីគុណ រដ្ឋលេខាធិការក្រសួងរៀបចំដែនដីនគររូបនីយកម្ម និងសំណង់ រួមជាមួយឯកឧត្តម ប៉ែន លីណាត អភិបាលរងខេត្តស្ទឹងត្រែង តំណាងដ៏ខ្ពង់ខ្ពស់ឯកឧត្តម សរ សុពុត្រា អភិបាលខេត្ត បានអញ្ជើញទទួលស្វាគមន៍ និងដឹកនាំប្រជាពលរដ្ឋមកពីបណ្តាខេត្តនានា ដែលបានមកតាំងទីលំនៅថ្មីនៅចំណុចអូរសេវ៣ ឃុំស្តៅ ស្រុកសេសាន ខេត្តស្ទឹងត្រែង។