ប្រតិភូថ្នាក់ដឹកនាំក្រសួងបរិស្ថាន បានអញ្ជើញចុះពិនិត្យវឌ្ឍនភាពការងារកំណាយស្រាវជ្រាវហ្វូស៊ីលឈើបុរាណ ដែលមានអាយុកាលប្រមាណចាប់ពី ១០ម៉ឺនឆ្នាំ ទៅដល់ ២លានឆ្នាំមុន ស្ថិតនៅក្នុងភូមិកាតូត ឃុំកំភុន ស្រុកសេសាន ខេត្តស្ទឹងត្រែង ដោយមានការចូលរួមពីតំណាងរដ្ឋបាលខេត្ត មន្ទីរបរិស្ថាន មន្ទីរទេសចរណ៍ អាជ្ញាធរមូលដ្ឋានភូមិ-ឃុំ និងប្រជាពលរដ្ឋសរុបប្រមាណ ៤០នាក់។

ក្រសួងបរិស្ថាន នៅថ្ងៃទី៣០ ខែតុលា ឆ្នាំ២០២៦ បានធ្វើការប្រគល់ធុងសំរាមសរុបចំនួន ២,០៤៩ ធុង ជូនដល់មន្ទីរអប់រំ យុវជន និងកីឡាខេត្តកំពង់ស្ពឺ ដើម្បីយកទៅបែងចែកបន្តជូនដល់សាលារៀនចំនួន ៦៨៣ កន្លែង នៅទូទាំងខេត្ត ក្នុងយុទ្ធនាការជំរុញភាពស្អាតនៅតាមគ្រឹះស្ថានសិក្សា។

លោកជំទាវ ឈី វ៉ា ប្រធានកត្តិយសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកោះកុង បានផ្តល់ការចែកជូនចង្រ្កានសន្សំសំចៃថាមពលរដ្ឋសរុបចំនួន៤.៨១៩គ្រឿងជូនដល់ប្រជាពលរដ្ឋរស់នៅក្នុងក្រុងខេមរភូមិន្ទ ដើម្បីលើកកម្ពស់ជីវភាព និងការចូលរួមរក្សាបរិស្ថានកាន់តែល្អប្រសើរឡើង។

រដ្ឋបាលខេត្តកោះកុង មន្ទីរបរិស្ថានខេត្ត មន្ទីរពាក់ព័ន្ធ អាជ្ញាធរសមត្ថកិច្ច និងយុវជន ប្រារព្វទិវាសំអាតពិភពលោកលើកទី៩ (9th World cleanup Day)សំដៅឱ្យមានការចូលរួមសម្អាតសំណល់ប្លាស្ទិក និងបញ្ជ្រាបការយល់ដឹងអំពីផល់ប៉ះពាល់នៃការកើនឡើងនៃបរិមាណសំណល់ប្លាស្ទិកលើភពផែនដី។

កំណត់ត្រា ជាប្រវត្តិសាស្រ្តដំបូងបំផុត សម្រាប់តំបន់ការពារ និងអភិរក្ស នៃភូមិសាស្ត្រស្រុកស្រែអំបិល ខេត្តកោះកុងមាន ថនិកសត្វដ៏កម្របំផុតចំនួន ៣ប្រភេទ ត្រូវបានថតជាប់ដោយម៉ាស៊ីនថតស្វ័យប្រវត្តិ មានប្រភេទសត្វកំពុងរងគ្រោះថ្នាក់ជិតផុតពូជដូចជា សត្វក្ដាន់ សត្វសំពោចធំ សត្វភេរោមច្រមុះ។

ក្រុមការងារជំនាញក្រសួងបរិស្ថាន នៅក្នុងខែកក្កដា ឆ្នាំ២០២៦ បានពិនិត្យតាមដានគុណភាពទឹកសាធារណៈ និងទឹកកខ្វក់សម្អាតរួច ពីទីតាំងស្ថានីយប្រព្រឹត្តកម្ម រួមលើទីតាំងអាទិភាពសរុប ៧៧ទីតាំង (ទឹកទន្លេ បឹងទន្លេសាប ស្ទឹង អាងស្តុកទឹក បឹង ជ្រោះមាន ៥២ទីតាំង ទឹកសមុទ្រមាន១២ទីតាំង និងទឹកកខ្វក់សម្អាតរួចមាន ១៣ទីតាំង) ព្រមទាំងបានយកសំណាកទឹកចំនួន ៧៧សំណាក។