អភិបាលខេត្តកំពង់ចាម ដឹកនាំមន្ត្រីជំនាញចុះពិនិត្យស្ថានភាពបាក់ស្រុតទ្វារទឹក «ទំនប់កែប្រែ» និងត្រៀមជួសជុលឡើងវិញជាបន្ទាន់

(កំពង់ចាម)៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម រួមជាមួយ ឯកឧត្តម ខ្លូត ផន ប្រធានក្រុមប្រឹក្សាខេត្ត និងមន្ត្រីជំនាញពាក់ព័ន្ធ នៅថ្ងៃទី០២ ខែសីហា ឆ្នាំ២០២៦ នេះ បានអញ្ជើញចុះពិនិត្យស្ថានភាពជាក់ស្តែងនៃសំណង់ទ្វារទឹក «ទំនប់កែប្រែ» ស្ថិតក្នុងឃុំស្រក ស្រុកកំពង់សៀម ដែលបានរងការបាក់ស្រុតមុខឈ្នាងទ្វារទឹកម្ខាងដោយសារគ្រោះធម្មជាតិ កាលពីយប់ថ្ងៃទី៣០ ខែកក្កដា ឆ្នាំ២០២៦ កន្លងទៅ។