រដ្ឋបាលខណ្ឌចំការមន បានដឹកនាំក្រុមការងារចម្រុះចុះអនុវត្តសកម្មភាពបើកគម្របលូ បូមសម្អាតប្រព័ន្ធលូ និងជួសជុលតភ្ជាប់បណ្តាញទឹកស្អាតជូនប្រជាពលរដ្ឋ នៅថ្ងៃចន្ទ ទី០៣ ខែសីហា ឆ្នាំ២០២៦ ដើម្បីកែលម្អប្រព័ន្ធបង្ហូរទឹក ដោះស្រាយបញ្ហាលិចទឹក និងលើកកម្ពស់អនាម័យបរិស្ថានក្នុងមូលដ្ឋាន។

ដើម្បីឆ្លើយតបទៅនឹងសេចក្តីសំណូមពរ ក៏ដូចជាការព្រួយបារម្ភរបស់បងប្អូនប្រជាពលរដ្ឋលើបញ្ហាសុខភាពសាធារណៈ ក្រោមការយកចិត្តទុកដាក់ខ្ពស់ពីសំណាក់ថ្នាក់ដឹកនាំនៃរដ្ឋបាលខណ្ឌចំការមន ក្រុមការងាររដ្ឋបាលសង្កាត់បានបើកយុទ្ធនាការចុះបាញ់ថ្នាំមូស ដើម្បីសម្លាប់ភ្នាក់ងារចម្លងរោគ និងទប់ស្កាត់ការរីករាលដាលនៃជំងឺនានា ដែលបង្កឡើងដោយសត្វមូស។

គណៈបញ្ជាការឯកភាពរដ្ឋបាលរាជធានីភ្នំពេញកាលពីថ្ងៃទីថ្ងៃទី២៧ ខែកក្កដា ឆ្នាំ២០២៦ ម្សិលម៉ិញនេះបានចុះបង្ក្រាបបទល្មើសឆបោកតាមប្រព័ន្ធ បច្ចេកវិទ្យា (ONLINE SCAMS ) បានចំនួន២ករណីដោយទី១ ពាក់ព័ន្ធបទល្មើស ក្រោមរូបភាពបង្ហោះផ្សព្វផ្សាយស្វែងរកការងារនិងទី២ ជាប់ពាក់ព័ន្ធនឹងបទល្មើសឆបោកតាមប្រព័ ន្ធបច្ចេកវិទ្យា (ONLINE SCAMS) ដោយឃាត់ខ្លួនជនសង្ស័យបានជាង៥០នាក់និងវត្ថុតាងជាកុំព្យូទ័រយួរដៃនិងទូរស័ព្ទ រាប់រយគ្រឿង។

គិតត្រឹមថ្ងៃទី២៧ ខែកក្កដា ឆ្នាំ២០២៦ នេះ រដ្ឋបាលរាជធានីភ្នំពេញ ដោយមានមន្ទីរសាធារណការ និងដឹកជញ្ជូនរាជធានីភ្នំពេញ ជាសេនាធិការ បាននិងកំពុងបន្តយុទ្ធនាការជួសជុល និងស្ថាបនាឡើងវិញយ៉ាងសកម្ម នូវកំណាត់មហាវិថី «ឈ្នះឈ្នះ»។ ការដ្ឋាននេះកំពុងអនុវត្តឡើងដោយយកចិត្តទុកដាក់ខ្ពស់លើបទដ្ឋានបច្ចេកទេស និងធានាបាននូវសុវត្ថិភាពការដ្ឋានយ៉ាងម៉ត់ចត់បំផុត។

គម្រោងស្ថាបនាប្រព័ន្ធលូរំដោះទឹកដ៏សំខាន់មួយខ្សែ ស្ថិតនៅកំណាត់ផ្លូវលេខ ៣៦ ក្នុងខណ្ឌឫស្សីកែវ រហូតមកទល់ពេលនេះ សម្រេចលទ្ធផលបានប្រមាណ ៨៥% ហើយ ដែលនេះជាផ្នែកមួយនៃកិច្ចខិតខំប្រឹងប្រែងរបស់អាជ្ញាធរក្រុង ក្នុងការបញ្ចៀសការជន់លិចដោយទឹកភ្លៀងនៅក្នុងភូមិសាស្ត្ររាជធានីភ្នំពេញ

រដ្ឋបាលខណ្ឌ៧មករា បានបន្តបើកយុទ្ធនាការចុះត្រួតពិនិត្យយ៉ាងតឹងរ៉ឹងនៅតាមខុនដូ អាផាតមិន បុរី ផ្ទះសំណាក់ និងសណ្ឋាគារនានា ក្នុងភូមិសាស្ត្រខណ្ឌ ដើម្បីបង្ក្រាប និងបោសសម្អាតបទល្មើសឆបោកតាមប្រព័ន្ធបច្ចេកវិទ្យា (Online Scams) សំដៅពង្រឹងសន្តិសុខ សុវត្ថិភាព និងសណ្តាប់ធ្នាប់សង្គមជូនប្រជាពលរដ្ឋ