រដូវកាលផ្លាស់ប្តូរ ផ្ដាសាយធំ (Influenza) អាចកើនឡើងច្រើនមានអាការៈ គ្រុនក្តៅ ក្អក ឈឺបំពង់ក ឈឺសាច់ដុំ អស់កំលាំងខ្លាំងយ៉ាងឆាប់រហ័ស។ សូមបងប្អូនតាមដានអាការៈ និងទៅពិគ្រោះនៅមណ្ឌលសុខភាព ឬមន្ទីរពេទ្យឱ្យបានទាន់ពេលប្រសិនបើមានអាការៈធ្ងន់ធ្ងរ។ សូមស្វែងយល់ពីរោគសញ្ញា ការចម្លង ដើម្បីការពារអ្នក និងគ្រួសារ។ ការពារលោកអ្នក ការពារគ្រួសារលោកអ្នក សូមការពារការឆ្លង និងការចម្លងជំងឺផ្ដាសាយធំ។

គិតត្រឹមខែតុលា ឆ្នាំ២០២៦ គ្រួសារក្រីក្រ និងងាយរងហានិភ័យ ដែលប្រើប្រាស់សេវាថែទាំសុខភាពក្រោមកម្មវិធីមូលនិធិសមធម៌ មានចំនួន ១៤ ០៤១ ៦៣៥ ករណី។ ទន្ទឹមនេះ ការផ្តល់សេវា២៤ម៉ោង/លើ២៤ម៉ោង ៧ថ្ងៃ/១សប្តាហ៍កើនឡើងដល់ ៩៩.៣%

ឯកឧត្តម គ្រុយ ម៉ាឡែន អភិបាលរងខេត្តកណ្តាល  បានបញ្ជាក់ថា៖ឱសថការីគ្រប់រូបត្រូវប្រកបវិជ្ជាជីវៈដោយស្មោះត្រង់ មានការទទួលខុសត្រូវខ្ពស់ តម្កល់សុខភាព និងជីវិតរបស់អ្នកជំងឺជាចម្បង។ ត្រូវជៀសវាងដាច់ខាតនូវអាកប្បកិរិយា ឬសកម្មភាពទាំងឡាយណាដែលប៉ះពាល់ដល់កិត្តិយស និងសេចក្តីថ្លៃថ្នូរនៃវិជ្ជាជីវៈឱសថសាស្ត្រ។

ឯកឧត្តម បានផ្តល់អនុសាសន៍ដល់គ្រូពេទ្យទាំងអស់ ត្រូវមានក្តីមេត្តាករុណា ចេះយល់ចិត្តអ្នកជំងឺ និងក្រុមគ្រួសារអ្នកជំងឺ ប្រកបដោយការទទួលខុសត្រូវខ្ពស់ និងត្រូវចាត់ទុកផលប្រយោជន៍អ្នកជំងឺជាធំ។ ជាពិសេស គ្រូពេទ្យត្រូវមានទំនាក់ទំនងល្អជាមួយ និងសាធារណជន ព្រមទាំងគោរពច្បាប់បទដ្ឋានគតិយុត្ត និងវិន័យការងារឱ្យបានម៉ឺងម៉ាត់បំផុត។

គោលបំណងលើកកម្ពស់ការយល់ដឹងរបស់ប្រជាពលរដ្ឋអំពីសារៈសំខាន់នៃសុខភាពភ្នែក ការថែទាំ និងការពារជំងឺភ្នែក។វេទិកាផ្សព្វផ្សាយនាពេលនេះពិតជាមានសារៈសំខាន់សម្រាប់ពុកម៉ែបងប្អូនប្រជាពលរដ្ឋ ទាំងជីវិតរស់នៅប្រចាំថ្ងៃ ការសិក្សា និងការងារ ខណៈការប្រើប្រាស់ឧបករណ៍អេឡិចត្រូនិកកាន់តែច្រើន បានបង្កហានិភ័យខ្ពស់ដល់សុខភាពភ្នែករបស់យើង ប្រសិនបើយើងមិនយកចិត្តទុកដាក់ថែទាំ និងព្យាបាលឱ្យបានត្រឹមត្រូវ។

ការលើកឡើងនេះធ្វើឡើង ក្នុងឱកាសដែល ឯកឧត្តម គួច ចំរើន អញ្ជើញជាអធិបតី ក្នុងពិធីប្រគល់ម៉ាស៊ីនបាញ់ថ្នាំសម្លាប់មូស ជូនរដ្ឋបាលក្រុង-ស្រុកទាំង១៣ ដើម្បីយកទៅប្រើប្រាស់ក្នុងការធ្វើអន្តរាគមន៍បង្ការ និងទប់ស្កាត់ការរីករាលដាលនៃជំងឺគ្រុនឈាមនៅតាមមូលដ្ឋាន