អភិបាលខេត្តកំពង់ចាម អំពាវនាវឱ្យប្រជាកសិករនាំយកគោក្របីមកចាក់វ៉ាក់សាំងការពារជំងឺឆ្លង ដោយឥតគិតថ្លៃ

(កំពង់ចាម) ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអំពាវនាវ ដល់ប្រជាកសិករគ្រប់ក្រុមគ្រួសារដែលចិញ្ចឹមសត្វគោ-ក្របី ឱ្យនាំយកសត្វពាហនៈរបស់ខ្លួនមកចាក់ថ្នាំបង្ការការពារជំងឺផ្សេងៗ ដើម្បីជៀសវាងការផ្ទុះឡើង និងរីករាលដាលនៃជំងឺឆ្លងនៅក្នុងមូលដ្ឋាន ដោយយុទ្ធនាការនេះត្រូវបានផ្តល់ជូនដោយមន្ត្រីជំនាញ ដោយមិនគិតថ្លៃសេវាឡើយ។